Сабабашта «Авылымның айлы кичләре» дигән урам концерты узды

   Сабабаш авыл клубы хезмәткәре авыл үзешчәннәре белән берлектә  "Авылымнын айлы кичләре" дип исемләнгән урам бәйрәме оештырды. Бәйрәмнең максаты авылдашларны берләштереп, дус,тату мөнәсәбәт урнаштыру, әби-бабалардан калган уен, җырларны искә төшерү иде. Авылдашлар үзләре кечкенәдән уйнап үскән уеннарны искә төшерделәр,яшьлектә яратып җырлаган җырларны башкардылар. Бәйрәмгә тәмле күчтәнәч белән килүчеләр дә бар иде, кайнар чәй белән бер-берсен сыйлап, аралашып, рәхәтләнеп күңел ачып, яхшы кәеф белән таралаштылар.