Сабада чүп контейнерлары җитәме?

  Утырышта башкарма комитет җитәкчесе Марат Ишниязов, Саба һәм Шәмәрдән күптармаклы  җи­тештерү  пред­­прия­тие­лә­ре директорлары Илнур Хәбибуллин,  Аль­мир Шәй­­хетдинов чы­гыш ясады. Алар көнкүреш калдыклары чыгару эшчәнлеге турында хисап тотты. Марат Ишниязов сүзләренчә, Саба муниципаль районында чүп-чар даими рәвештә чыгарыла һәм барлык торак пунктларны колачлый.  Моннан тыш, районда халык белән мәгълүмати эш актив алып барыла: мәгълүмати стенд­лар ур­наштырылган.  Әм­ма, төбәк операторы һәм му­ниципалитет тарафыннан сыйфатлы башкарылган эшкә карамастан, каты коммуналь калдыкларны җыю өчен өстәмә контейнерларга ихтыяҗ кала. Хәзерге вакытта проблеманы бетерү буенча актив эш алып барыла. “Татэнергосбыт” мәгълүматларыннан  кү­­­­­ренгәнчә, 9 айда Саба райо­нын­да каты  көнкүреш кал­дык­лары белән эш итү буенча хез­мәткә түләүләр җыю 95 про­цент тәшкил итә.