Сабада «Мәктәпкә җыенырга булыш!» акциясе узды
Бүген районыбызда “Мәктәпкә җыенырга булыш!” акциясе кысаларында аз керемле гаиләдә укучы балаларга һәм әтиләре хәрби операциядә катнашучы укучыларга портфельләр һәм акчалата конвертлар тапшырылды.
Әлеге игелек акциясе республикабызда 2006 елдан бирле уздырыла. Ул беренче чиратта күп балалы, аз керемле гаиләләрдә үскән балаларга, ятимнәргә мәктәп кирәк-яраклары салынган сумка алу өчен ярдәм итүгә юнәлтелгән. Акциягә предприятие һәм оешмалар, белем бирү учреждениеләре, эшмәкәрләр җәлеп ителә. Беренче 15 укучыга портфельләрне район башлыгы Рәис Миңнеханов тапшырды. “Әлеге игелек акциясе районыбызда ел саен уздырыла, быел да аңа үз өлешен кертүчеләр, ярдәм итүчеләргә зур рәхмәт әйтәсе килә. Ә балаларга яңа уку елында зур уңышлар телибез, әти-әниләрне тыңлап, укытучыларны хөрмәт итеп, тырышып укырга язсын”-диде ул.
Балаларга шатлык бүләк итүчеләрнең күбесе яңа портфельләрне укучыларның үз кулларына тапшырдылар. Мәктәп кирәк-яраклары алыр өчен акчалата конверт белән ярдәм итүчеләр дә булды. Мәктәпкә җыенучыларны оешма җитәкчеләре Алмаз Галиев (“Таттелеком”), Алмаз Зарипов (“Игенче”), Илшат Хуҗин (Саба индустриаль паркы), Илшат Миннебаев (“Саба машина-технология станциясе”), эшмәкәрләр Гөлнара Галимова, Әлфия Гафиятуллина, Әдилә Хурамшина, Васыйл Халиков тәбрикләде. Икшермә кадет интернат-мәктәбе директоры Айрат Һидиятуллин балаларны крестьян-фермер хуҗалыгы җитәкчесе Зөфәр Мөхәммәтшин, Юлбат төп мәктәбе директоры Илшат Фәтхриев шәхси эшмәкәр Фәннур Абдуллин һәм “Юлбат” җәмгыяте әзерләгән бүләкләр белән сөндерделәр. Сәхнәгә 41 бала чакырып хөрмәтләнде.
Тулырак язма «Саба таңнары» газетасында.
Рөстәм Исмәгыйлов фотолары.
Следите за самым важным и интересным в Telegram-каналеТатмедиа
Нет комментариев