Шәмәрдән авылында яңа торак квартал төзелә башлады

Шәмәрдән авылында «Авыл территорияләрен комплекслы үстерү» Россия Федерациясе дәүләт программасы кысаларында бер фатирлы торак йортлар төзелешенә старт бирелде.

Луговая урамында яңа торак массив барлыкка киләчәк. 2026 ел ахырына кадәр биредә барлыгы 25 шәхси торак йорт төзеләчәк. Бу авыл кешеләренең торак шартларын яхшыртырга һәм яшәү өчен заманча мохит булдырырга мөмкинлек бирәчәк.

Әлеге проектны гамәлгә ашыру авылны төзекләндерү һәм авыл территорияләрендә тормыш сыйфатын яхшырту буенча системалы эшнең бер өлеше булып тора.