Тимершыклылар «Иҗтимагый сәламәтлек һәм диспансерлаштыру буенча диктант» Бөтенроссия акциясенә кушылды

    Тимершык ФАПы фельдшеры А.М. Галимҗанова  Тимершык урта мәктәбе директорының тәрбия эшләре буенча киңәшчесе А.М. Хантимирова  һәм өлкән сыйныф укучылары белән берлектә «Иҗтимагый сәламәтлек һәм диспансерлаштыру буенча диктант» Бөтенроссия акциясендә актив катнашты.
    Чара диктантздоровья.рф онлайн-платформасында узды. Катнашучылар үзләренең сәламәтлек саклау һәм профилактика мәсьәләләре буенча белемнәрен тикшерде. Диктант нәтиҗәләре буенча һәркемгә исемле сертификат тапшырылды.
    Акция кысаларында фельдшер  А.М. Галимҗанова  укучылар өчен сәламәт яшәү рәвешенең нигезләренә багышланган әңгәмә үткәрде. Бу чара яшь буын вәкилләрендә үз сәламәтлегенә карата кайгыртучанлык культурасын формалаштыруга мөһим өлеш кертте.