«Хезмәткә һәм оборонага әзер» фестиваленең суперфиналында райондашларыбыз 3нче урынны алды

  Саба районы җыелма командасы 7 команда арасында 3 нче урынны алып, лаеклы нәтиҗә күрсәтте.  Суперфиналда җиңү өчен ВФСК ГТО җәйге һәм кышкы фестиваль җиңүчеләре көрәште: Нәтиҗәдә, 1 урынга - Әлмәт, 2 урынга - Актаныш командалары чыкты, 3 урынга Саба командасы лаек булды. Калган урыннарны  Яр Чаллы, Яшел Үзән, Түбән Кама, Нурлат районы  спортчылары бүлеште. Фестиваль суперфиналында команда беренчелегендә 1-3 урыннарны алган командалар кубоклар, дипломнар һәм медальләр белән бүләкләнделәр. Командабызны мактаулы 3 урын белән котлыйбыз, алга таба уңышлар һәм якты җиңүләр телибез!