Хезмәттә узган гомер

Мөхтәрәм юбилярны социаль  яклау бүлеге начальнигы Лилия Гайнетдинова, Шекше авыл җирлеге башлыгы    Радик Хәйртдинов, «Игенче» җәмгыяте вәкиле Фәнис Ханнанов котлады.

Мөхәррәм Рәкыйпов башлангыч белемне Шекше мәктәбендә ала. Сугыш башланганда 9 яшьтәгә малай әнисе белән иген ура, уфалла арбасы белән утын ташый. 1941 елда  сугышка алынган әтисе 1942 елда  контузия алып кайткач, колхоз рәисе итеп сайлана.

1952-1955 елларда Мөхәррәм абый армия сафларында хезмәт итә. Армиядән кайткач 15 ел янгын сүндерү бүлегендә, аннары колхозда  төрле эшләр башкарып,  1992 елда лаеклы ялга чыга. 50 ел хезмәт стажы бар.

Мөхәррәм абый 1960 елда  Мамалай авылы кызы Кәфия белән гаилә корып, 2 кыз үстерәләр. Тормыш иптәше 2015 елда вафат була. Мөхәррәм абыйның 4 оныгы бар. Мөхәррәм Рәкыйпов кызы Асия тәрбиясендә Тимершык авылында  гомер кичерә.