Югары Симет мәдәният йортына "Карлы десант" төште [+фото]

Чара барышында мәдәният йорты хезмәткәрләре «Карлы десант» студентлар отрядының экспедицияләре турында сөйләделәр һәм видеороликлар күрсәттеләр. Шулай ук балалар, отрядның Бөек Ватан сугышы елларында һәлак булган һәм хәбәрсез югалган солдатларнын туганнары, якыннары  өчен, бик күп авырлыкларны җиңеп, әйтеп бетергесез изге эш башкаруларын да аңлатып киттеләр. Чараның икенче өлешендә укучылар әлеге төркем оештырган күргәзмә белән таныштылар. Әлеге патриотик сәгатьтән укучылар үзләренә бик күп файдалы, кирәкле мәгълүмат алдылар.