Куркыныч авыру- сөт бизе яман шешенең төп сәбәпләре нинди?

  Сәламәтлек саклау өлкәсе белгечләре билгеләп үткәнчә, сөт бизенең яман шеше хатын-кызлар арасында иң киң таралган онкология төрләренең берсе булып тора.

  Статистика буенча, һәр сигезенче хатын-кыз бу диагноз белән очрашу куркынычы астында яши. Шунысын да билгеләп үтәргә кирәк, элек әлеге патология 40 яшьтән өлкәнрәк хатын-кызларда ешрак очрый иде, әмма соңгы елларда 30-40 яшьтән яшьрәк пациентлар саны сизелерлек артты. Ел саен дөньяда 10 миллионнан артык яңа очрак теркәлә, ә үлүчеләр саны 6 миллионнан артып китә. Россиядә генә дә ел саен якынча 50 мең яңа авыру теркәлә, шуларның 22 меңгә якыны үлә. Үлем очраклары ел саен 2% ка арта бара. Заманча медицина патологияне башлангыч этапларда диагностикаларга мөмкинлек бирә, бу 90% очракта диярлек уңышлы дәвалануга шанслар бирә.

Төп факторлар арасында: яшь, җенес һәм генетика, бала тапмау яки соңрак ана булу, контрацептив препаратларны озак вакыт куллану, климакс вакытында гормональ терапия, тәмәке тарту, алкоголь һәм наркотиклар куллану, артык авырлык һәм дөрес тукланмау рационы, аз хәрәкәтләнүчән яшәү рәвеше.

Күкрәкнең үз-үзен тикшерүен айга ким дигәндә 1 тапкыр үткәрергә, ә табиб-маммолог тарафыннан 40 яшьтән башлап ел саен тикшерергә киңәш ителә.