Татарның табын күрке нәрсә?Гөбәдия, чәк-чәк, кош теле, өчпомак, бәлеш, кыстыбый...Әле бу исемлекне тагын дәвам итеп булыр иде, килешәсездер. Кунак ашларын әзерләүгә килгәндә, безнең татар хатын-кызларына тиңнәр юктыр анысы.Уңган хуҗабикәләребез ризыкларның ниндиләре белән генә сыйламыйлар хәзер. Дөрес, эштән соң камыр белән маташырга әллә ни вакыт калмый анысы. Кунак-төшем, аш- мәҗлесләре булса, безгә профессиональ аш-су осталары әзерләгән камыр ашлары ярдәмгә килә. Районыбызның «Аш-су» җәмгыятендә 41 елдан артык фидакарь хезмәт куючы Әлфизә ханым Исламова җитәкләгән коллектив осталары пешергән ризыклар да инде дистә еллар табыннарыбызны бизи.
