Саба таңнары

Бүген Татарстан Дәүләт флагы кабул ителүгә утыз ел тула

Соңгы өч дистә елда республиканың гамәлдәге флагы һәм гербы Татарстан белән нык ассоциацияләнә башлады, алар илнең социаль-икътисади һәм мәдәни тормышында аның әйдәп баручы ролен күрсәтә. Әмма яшел-ак-кызыл триколор Татарстанның беренче флагы түгел. Татар халкының һәм Татарстан Республикасының дәүләтчелеге тарихы музее экспозициясендә Октябрь революциясе чорыннан башлап, ТАССР төзелгәч, Дәүләт символының этаплап эволюциясе тәкъдим ителә.

"Казан губерниясе тарихында безнең төбәкнең үзенең аерым флагы булмаган, моның урынына илнең гомуми империя гербы кулланылган. Беренче флаг монда Совет чорында ук барлыкка килә, аны 1923 елда Татар Совет Социалистик Республикасы флагы буларак раслыйлар", - ди "Татар-информ“ МА корреспондентына музей хезмәткәре Кадрия Бәдретдинова.

Төрле вариантлардан соң, Татарстан Югары Советы 1991 елның 29 ноябрендә өчиколорны раслады: яшел өстән, кызыл астан һәм  уртада тар ак полоса. Расланган вариантның авторы-Татарстанның халык рәссамы,ТР Дәүләт премиясе лауреаты, хәзер мәрхүм Тавил Хаҗиәхмәтов. 

Аннары Татарстанның яңа символын  федераль дәрәҗәдә дә таныйлар-аны теркәү номеры 378 белән Россия Дәүләт геральдика регистрына кертәләр. Тиешле грамота шулай ук музей экспозициясендә урнаштырылган. 

Республика флагының төсләре республиканың һәм аның халкының төп омтылышларын белдерү өчен сайланган, дип билгеләп үтте агентлыкның әңгәмәдәше. 

"Яшел төс яңарышны һәм язны, Ак — чисталык төсен, Кызыл — энергия һәм тормыш көчен символлаштыра", — дип ассызыклады Кадрия Бәдретдинова.

Фото: © Салават Камалетдинов / ИА «Татар-информ»

Чыганак: tatar-inform.ru

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: