Хөрмәтле медицина хезмәткәрләре, сәламәтлек саклау өлкәсе ветераннары!
Сезне һөнәри бәйрәмегез белән ихлас котлыйбыз. Һәр кеше һөнәрен йөрәге кушканча сайлый. Сез иң зур байлык – кешеләр сәламәтлеге сагында тору бурычын үз өстегезгә алгансыз. Агымдагы елда туган вәзгыять әлеге бурычны үтәүнең үз тормышыңны да куркыныч астына кую белән бәйле икәнлеген аеруча раслады.
Медицина өлкәсендә хезмәт итүнең җаваплылыгы нык артты. Сәламәтлекләренә куркыныч янаган чорда кешеләр сезгә тагын да зуррак хөрмәт белән карый, гомерен сезгә ышанып тапшыра. Авыруларның аякка басуы, тулы тормыш белән кабат яши башлавы табибларның сәләтенә, талантына, интуицияләренә бәйле. Үзегез дә сәламәт булыгыз, якыннарыгыз белән бәхетле яшәгез. Авырулардан рәхмәт ишетеп, уңышларга ирешеп эшләргә язсын. Игелекле һәм җаваплы хезмәтегездә бетмәс көч, рух ныклыгы, саулык һәм күңел көрлеге телибез.
Саба муниципаль районы Советы һәм башкарма комитеты.
Следите за самым важным и интересным в Telegram-каналеТатмедиа
Нет комментариев