Янгын сигналы гомерне саклады

   Агымдагы  елның 31 март тө­нендә сәгать 2 тулып 55 минутларда  Тимершык авылының Ленин урамындагы 11 йортта яшәүче ялгыз өлкән кешенең өендә утын белән ягу миченнән янгын чыга. Йортта урнаштырылган янгын турында кисәтү сигналы изрәп йоклап яткан 78  яшьлек ир-атны үзенең тавышы белән уята, нәтиҗәдә ул  өеннән чыгып өлгерә. Агач  йорт янып бетсә дә,  аның сәламәтлегенә зыян килми. Беренчел мәгълүматка ка­раганда, янгын чыгуның сә­бәбе – мичләрнең корылышы һәм алардан файдалану ка­гый­дәләрен үтәмәү.

Бу хәлләрдән чыгып шуны искәртеп үтәргә кирәк: янгын турында кисәтү сигналын өй­ләребездә урнаштырганда ул төтен һәм пар чыгуны сизә, көч­ле тавыш биреп, йоклаган кешене уята. При­борны  мөстәкыйль рәвештә урнаштырырга мөмкин, махсус оешмалар тарафыннан хезмәт күрсәтү таләп ителми. Кибетләрдән сатып алырга була һәм бер батарея элементы ел дәверендә эшләргә, кисәтергә сәләтле. Иң мөһиме, прибор кеше гомерен һәм мал-мөлкәтне саклап калырга ярдәм итәчәк. Өйләребездә беренчел янгын сүндерү чаралары (утсүндергеч) булдыру да янгынны очкын хә­лендә тиз арада сүндерергә мөмкинлек бирәчәк.

Илдар Хуҗин,

Саба һәм Теләче районара янгын күзәтчелеге эшчәнлеге һәм профилактика эшләре бүлекчәсе өлкән дознавателе