“Саба” җәмгыятенең Сатыш бригадасы терлек азыгын иң күп күләмдә әзерләүчеләр исемлегендә

Шулай да хикмәт массада түгел, ә сыйфатта. Хуҗа­лыкта иң беренче чиратта әнә шул таләпне төп игътибарда тотып эшлиләр. Шуңа күрә бер кырда эшне төгәлләп, 92 гектар­лы клевер басуына күчкән ме­ханизаторларның "җыйнап алу­­га керешергә" дигән команда көткән чагына туры килдек. Ә фәрманны хуҗалык җитәкчесе Фәргать Сәүбәнов үзе бирә. "Бераз юешрәк шул. Терлекләргә сыйфатлы сенаж ашатыйк дисәк, массаның дымлылыгы 65-70 процент булуы кирәк", - ди җитәкче үләнне учларында әйләндергәләп.