“Ямьле Саба” яр буенда Бөек Җиңүнең 77 еллыгына багышланган җиңел атлетика ярышлары үткәреләчәк

Йөгерешчеләргә старт иртәнге сәгать  11дә Сабинка яр буе трассасында бирелә. Ярышлар 8 яшь категориясендә  үткәрелә. Иң  кечкенәләр  – I-II сыйныфлар  500  метрга, III-VI сыйныфлар  – 1,  VII-VIII сыйныфлар  – 2,  югары сыйныфлар  һәм 40-60  яшьтәгеләр –3, 18-39 яшьлекләр 5  километрга  йөгерә. Катнашучыларны теркәү 10.00-10.45 сәгатьләрдә була. Стартка басар  өчен һәркемнең табиб биргән  рөхсәт  язуы булырга тиеш. Бөек  Җиңүнең 77 еллыгына багышланган  җиңел  атлетика  кроссы 6 майда  Шәмәрдәндә дә  үткәреләчәк. Старт футбол  мәйданчыгында 18  сәгатьтә бирелә.