Юбиляр аналар хөрмәтләнде

Иләбәр китапханәчесе Вәсилә Галиева һәм мәдәният йортының сәнгать җитәкчесе Нуршат Сәгыйтов һәр юбилярның тормыш юлы белән таныштырып, изге теләкләрен шигъри юллар аша җиткерделәр. Алар арасында хезмәт ветераннары Гөлчирә Низамиева, Сания Латыйпова, Миңнур Хуҗиәхмәтова, Гөлнур Гайнуллина, Эзмә медицина пункты мөдире, фельдшер булып эшләгән Кафия Баһаветдинова, тормышын яшь буынга белем һәм тәрбия бирүгә багышлаган Мәдинә Исламова һәм башка мөхтәрәм хатын-кызлар бар иде.