“Ак Барс” Банкы – беренчеләргә

Инде менә 19 ел рәттән "Ак Барс" Банкы ачык акционерлык җәмгыяте Татарстанның беренче сыйныфка баручы һәр укучысына республиканың ике дәүләт телен өйрәнүдә ярдәмлек бүләк итеп килә. Быелгы Белем бәйрәмендә районыбыз мәктәпләрендә дә 384 беренче сыйныф укучыларына "Барсикның хайваннар дөньясында гаҗәеп маҗаралары" дип исемләнгән китап һәм әлеге уен кертелгән компьютер дискы тапшырылды. Китапның беренче битендә Банк идарә рәисе Р.Миннегалиевның котлавы басылган. "Ак Барс" Банкы беренчеләрнең һәрберсенә укуларында уңышлар һәм сәламәтлек тели, бу әсбап татар һәм рус телләрен өйрәнүдә булышыр, дәресләрегезне кызыклы итәр дигән ышаныч белдерә.