Саба таңнары
  • Тат Лат
  • «Хәтер бакчасы» акциясе барышында Татарстанда 507 мең агач утыртылган

    Санитар-экология икеайлыгында республикада барлыгы 1,2 миллионнан артык үсенте утыртканнар.

    Бөек Ватан сугышында Җиңүнең 75 еллыгына багышланган «Хәтер бакчасы» халыкара акциясе барышында Татарстанда 507 мең агач утыртканнар. Бу хакта бүген Татарстан экология һәм табигать ресурслары министры Александр Шадриков Хөкүмәт Йортында узган брифингта сөйләде.

    «Акция барышында ТР Урман хуҗалыгы министрлыгы тарафыннан 507 мең агач утыртылды. Санитар-экология икеайлыгы вакытында республикада барлыгы 1,2 млн агач һәм куак утырттылар», — диде министр.

    Александр Шадриков әйтүенчә, территорияләрне җыештыруда 156 мең кеше һәм 9 меңнән артык төрле машина катнашкан. «Полигоннарга 500 мең куб метрдан артык калдыклар чыгарылган», — диде ул.

    Фото: Татар-информ архивы

    Чыганак: tatar-inform.tatar

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: