Киләсе елда сабалыларны 122 көн ял көтә

12 гыйнварга кадәр дәвам иткән яңа ел каникулларыннан кала, киләсе елда 23 февраль, 8 март, 1 май, 9 май, 12 июнь, 30 август, 4 ноябрь, 6 ноябрь, шулай ук 17 июль һәм 24 сентябрь көннәренә туры килгән Ураза-бәйрәм һәм Корбан-бәйрәмдәге яллар көтә. Гомумән алганда, Татарстан Хезмәт, эш белән тәэмин итү һәм социаль яклау министрлыгы тарафыннан бастырылган календарь буенча 5 көнлек эш көне булган кешеләр 243 көн хезмәт куячак, шуларның 8е - кыска эш көне булачак. Ял көннәре 2015 елда 122 көн булачак - шуларның 18е бәйрәм көннәре һәм 5се бәйрәмнәр ял көненә туры килеп күчерелгән өстәмә яллар.

Интертат.ру.