Компенсациягә - 1051 гариза

Мәгълүм булганча, 2014 елның 1 гыйнварыннан балалар бакчасына йөргән өчен ата-аналар түләве арту сәбәпле, Саба муниципаль районы башкарма комитеты карары нигезендә халыкның аз керемле өлешенә өстәмә ярдәм күрсәтү өчен өстәмә компенсация бирү тәртибе расланган иде. Аңа хокукны рәсмиләштерү 2013 елның 1 октябреннән башланды. Республика матди ярдәм үзәгенең район бүлегеннән алынган мәгълүматлардан күренгәнчә, өстәмә компенсация алу өчен гариза белән хәзерге көнгә 1051 ата-ана мөрәҗәгать иткән. Бу - мәктәпкәчә яшьтәгеләр учреждениеләренә йөрүче балалар санына карата 52 процент дигән сүз.