«Оста-Саба» район чемпионатының «Программалаштыру» компетенциясе буенча җиңүчеләре билгеле булды

18 март көнне Саба  гимназиясендә урта һәм өлкән мәктәп яшендәге балалар арасында «программалаштыру» компетенциясе буенча «Оста Саба» район чемпионаты узды. Анда 9 укучы катнашты. Чемпионат укучыларга бу өлкәдә үз белемнәрен һәм күнекмәләрен күрсәтү өчен менә дигән мөмкинлек бирде. Катнашучыларга программист кем дигән сорауга җавап биргән теоретик этап аларның һөнәрләрен аңлау дәрәҗәсен һәм эшнең төп принципларын бәяләргә мөмкинлек бирде. Практик өлешендә катнашучылар бирем нигезендә LEGO EV3 MINDSTORMS өчен программа эшли белүләрен күрсәттеләр.

5-7 сыйныф укучылары арасында конкурс йомгаклары буенча:

I урынны Саба гимназиясе укучылары  Хафизов Инсаф һәм  II урынны Нурмиев Риналь алды.

8-11 сыйныфлар арасында:

I урынны шулай ук Саба гимназиясе укучылары Шәйдуллин Гадел һәм  II урынны - Тимергалиев Инсаф алды,  III урынга Иштуганнан Хәлилов Илназ лаек булды.