Районыбызның яшь автомобильчеләре республикакүләм бәйгедә өченче урын яулады [+фото]

Узган җомгада "Балалар-яшүсмерләр автомобиль мәктәбе" филиаллары арасында автомногоборье буенча VIII республика конкурсы булды. Автомобиль мәктәпләре филиалларының эшчәнлеген пропагандалау һәм балаларның юл-транспорт һәлакәтләрендә имгәнүләрен профилактикалау максатында үткәрелгән бәйгедә Саба филиалы (директоры Илшат Әхмәтшин) өчен Олы Шыңар урта мәктәбе укучылары Мәүлит Бикбаев, Ранил Вафин, Салават Мөхәммәтгалиев составындагы команда чыгыш ясады. Яшь автомобильчеләр мәктәбендә тәҗрибә туплаган егетләр сынауларны уңышлы үттеләр. "Юл хәрәкәте кагыйдәләре" этабында 3нче урынны яулап, ЮХИДИ идарәсе Дипломына лаек булдылар. Медальләр, кыйммәтле призлар белән бүләкләнделәр.