Республика бәйгесе җиңүчесе

автор, 21 август 2020 - 10:22

833

Биектауда эре мөгезле терлекләр үрчетү буенча технологларның 42нчы республика конкурсы һәм 3нче мәртәбә зоотехник- селекционерлар бәйгесе үткәрелде. Ярышларда районнарда җиңеп чыккан иң яхшы белгечләр катнашты. Алар терлек үрчетү, аларны карау һәм ашату, таналарны бозаулатуга әзерләү буенча үз белемнәрен, осталыкларын, шулай ук эре мөгезле терлекләрне ясалма орлыкландыру буенча үзләренең практик күнекмәләрен күрсәттеләр. Бәйгедә ит терлекчелеге буенча зоотехник-селекционерлар арасында безнең районнан “Мәртен” агрофирмасы белгече Альберт Байметов җиңү яулады һәм Диплом белән бүләкләнде.