Россия Эчке эшләр министрлыгының Саба районы бүлеге оператив-хезмәт эшчәнлегендә ирешкән уңышлары өчен кубок белән бүләкләнде [+фото]

Россия Эчке эшләр министрлыгының Саба районы бүлеге оператив-хезмәт эшчәнлегендә ирешкән уңышлары өчен 2014 ел йомгаклары буенча 2нче урынны алды һәм Диплом белән бүләкләнде.

Моннан тыш бүлек хезмәткәрләре ел дәвамында министрлык кысаларында үткәрелгән бәйгеләрдә дә уңышлы чыгыш ясадылар. Хәзер ярышларның гомуми нәтиҗәләре дә билгеле булды. Шушы көннәрдә спортның хезмәт-гамәли төрләре буенча үткәрелгән спартакиаданың комплексы зачетында 2нче урынны яулаган Саба районы бүлеге Кубок, Татарстан Республика буенча Эчке эшләр министрлыгы Грамотасы белән бүләкләнде. Сабалыларга кубокны министр Артем Хохорин тапшырды.