Һәлакәттән соң Саба район үзәк хастаханәсенә җибәрелгән пассажирның берсе бүген өенә озатылган. "Пациентның хәле канәгатьләнерлек иде. Ул амбулаториядә дәваланачак", - дип хәбәр итә ТР Сәламәтлек саклау министрлыгы.
Исегезгә төшерәбез, кичә Саба юлында "Ситроен" микроавтобусы белән "Хундай" җиңел автомобиле бәрелеште - 8 кешенең гомере өзелде, сәламәтлегенә зыян килгән тагын 4 кеше хастаханәгә салынды. Җәрәхәт алучыларның өчесе - ике хатын-кыз һәм 14 яшьлек кыз бала хәзерге вакытта республика клиник хастаханәсендә дәвалана. Һәлакәт аркасында аларның кул-аяклары имгәнгән. Аларга инде операция ясалган, кирәкле тикшерү чаралары үткәрелгән, дәвалау билгеләнгән. Табиблар аларның хәлен тотрыклы дип бәяли.
Нет комментариев