Саба районында яшен, көчле яңгыр көтелә

Татарстан Гидрометеорология һәм әйләнә-тирә мохитне күзәтү идарәсе хәбәр итүенчә, иртәгә - 21 июльдә, республикада төнлә һәм көндез һава торышының кискен үзгәрү ихтималы бар.

Татарстанда яшен, көчле яңгыр, көчле җил көтелә. Көчәйгән вакытта көньяк-көнбатыштан искән җилнең тизлеге 15-18 метрга кадәр җитәргә мөмкин.

Саба районында яңгыр көтелә, алмашучан болытлы һава торышы хакимлек итәчәк. Көндез һава температурасы 22 градус тәшкил итәчәк.

22 июльгә каршы төндә һава температурасы 13 - 14 градустан да артмый.