Сабада иң югары айлык хезмәт хакы энергетика һәм газ хуҗалыгы тармакларында

2013 елда район тармакларында айлык уртача хезмәт хакы 19422 сум тәшкил итте. Бу 2012 ел күрсәткеченә караганда 2973 сумга күбрәк. Хезмәт хакы халык хуҗалыгының барлык тармакларында артты, ә финанс һәм иминият хезмәткәрләренеке кимеде. Иң югары айлык хезмәт хакы энергетика (37814 сум) һәм газ хуҗалыгы (36381 сум) тармакларына туры килә. Иң түбән хезмәт хакы сәүдә хезмәтендә булып, айга уртача 9308 сум тәшкил итте. Район кредит учреждениеләрендә халыкның 878,5 миллион сум акчасы саклана, бу 2012 ел күрсәткеченә карата 127 процент тәшкил итә.