Шәмәрдәндә шахмат буенча районның шәхси-команда беренчелегенә чемпионат үтте

Шәмәрдән "Яшьлек" мәдәни-спорт үзәгендә шахмат буенча районның шәхси-команда беренчелегенә чемпионат үтте. Бәйгедә барысы 20 ир-егет һәм хатын-кыз катнашты. Хатын-кызлар арасында беренче урынны Юлбаттан Гүзәл Кәримова яулады. Аның апасы Сирина 2нче урынны алды. Сатыштан Илүзә Солтанова 3нче булды. Ир-егетләр арасында Явлаштаудан Мулланур Мусинга тиңнәр табылмады. Шәмәрдәннән Илгизәр Хәйретдинов 2нче, Сабадан Марат Кәримов 3нче нәтиҗә күрсәттеләр. Командалар арасында Юлбат авылы шахматчылар җиңүче булып танылды. "Яшьлек" командасы -2нче, Шәмәрдән шахматчылары 3нче урынны алды.