Таиланд укучылары Түбән Кама гимназиясендә татар телен өйрәнә

Түбән Кама шәһәренең 13нче гимназиясенә гадәти булмаган укучылар килде: биредә тәҗрибә алмашу программасы буенча Таиланд кунаклары белем ала. Кунаклар Түбән Кама укучыларына инглиз телен өйрәтә, үзләре исә татар телен һәм мәдәниятен үзләштерә. Бу хакта «НТР 24» телеканалы хәбәр итә.

Дәресләр интерактив форматта узганлыктан, Татарстан педагогларының материалын бик яхшы үзләштерә икән. Квиз мәктәбендә белем алучы Фа (Таиланд) рус теле күңеленә аеруча хуш килүен әйтә, ул студентлар белән аралашырга ярдәм итә.

«Бездә һәм бу мәктәптә укыту арасында аерма шунда ки, Таиландта күбесенчә фәнгә басым ясыйлар, ә биредә – гуманитарийлар. Әмма миңа тегесе дә, монысы да ошый», - диде ул.

Россия мәктәпләрендә яңа уку елы башланса, Таиландта хәзер – каникуллар.

13нче гимназия-интернаты директоры Нурия Шакирова җирле педагоглар студентларга татар һәм рус телләрен өйрәтүен әйтә. «Безнең укучылар төрек телен дә өйрәнә», - дип искәртте белем бирү учреждениесе директоры.

Өлкән сыйныф укучылары Таиландтан Түбән Камага тәҗрибә алмашу программасы буенча инде өч ел рәттән килә. Кунаклар гимназиядә октябрь урталарына кадәр булачак, шуннан соң Казанга юл тотачаклар.

Фото: ntr-24.ru

tatar-inform.tatar