Татарстанда 20 декабрьдән янгынга каршы махсус режим кертелә

Тиешле карарны Татарстан Премьер-министры Алексей Песошин имзалады, дип хәбәр итә Россия гадәттән тыш хәлләр министрлыгының ТР буенча баш идарәсе матбугат хезмәте.

Бу чорда күп фатирлы йортлар һәм шәхси йортлар янында, шулай ук юллар, сәнәгать һәм ТКХ объектлары янында 1-3 класс куркынычлык (мамык һәм бенгаль утларыннан тыш) пиротехникасын куллану тыела.

Янгын куркынычсызлыгы таләпләрен бозган өчен физик затларга 2 меңнән 4 мең сумга кадәр, вазифаи затларга 15 меңнән 30 мең сумга кадәр, юридик зат обулмаган эшмәкәрләргә 30 меңнән 40 мең сумга кадәр һәм юридик затларга 200 меңнән 400 мең сумга кадәр штраф салыначак.

Фото: архив ИА «Татар-информ», Владимир Васильев

Чыганак: tatar-inform.ru