Татарстанда гыйнварда азык-төлек продуктлары бәясе 11,5 процентка артты

Россия Банкы мәгълүматлары буенча, гыйнварда Татарстанда еллык азык-төлек инфляциясе 11,5 процент тәшкил иткән.

Декабрьдә азык-төлек продуктларына бәяләр 10,99 процентка арткан, шул рәвешле, инфляция тиз булуын дәвам итә.

Аерым алганда, гыйнварда макарон һәм ярмалар (19,4 процент), ит продукциясе (16,5 процент) һәм балык продукциясе (12,7 процент), май һәм сөт продукциясе (13,9), яшелчәләр (13,7), сыр (12,4), шикәр комы (16,1), кондитер эшләнмәләре (12,9) сизелерлек кыйммәтләнгән.

Йомырка бәясе үсеше акрынайды — гыйнварда аның бәясе 10,1 процентка арткан (декабрьдә — 15,3), шулай ук чәй, кофе, какао, икмәк һәм икмәк-күмәч эшләнмәләренә. 

Азык-төлек булмаган товарлар 9,2 процентка кыйммәтләнгән — бер ай элек инфляция шул дәрәҗәдә булган. Гыйнварда хезмәтләргә бәяләр 5 процентка арткан, декабрьдә күрсәткеч 4,8 процент тәшкил иткән.

Элегрәк хәбәр ителгәнчә, 2022 елның гыйнварында Татарстанда еллык инфляция 8,9 процентка җиткән. Бу соңгы алты елда иң зур күрсәткеч булган. 

Чыганак: tatar-inform.tatar