Татарстанда сайлаучыларның 50 проценты Конституциягә төзәтмәләр буенча тавыш биргән

Татарстанда якынча 1,5 млн кеше Россия Конституциясен үзгәртү мәсьәләсе буенча тавыш бирүдә катнашкан. Бу хакта «Татар-информ»да узган матбугат конференциясендә Татарстан Үзәк сайлау комиссиясе рәисе Андрей Кондратьев әйтте.

«Үзәк сайлау комиссиясе мәгълүматлары буенча, 29 июньгә сайлау участокларында 1 млн 487 мең 200 граждан тавыш биргән, бу 50,59 процент дигән сүз», — диде Андрей Кондратьев.

Республикада барлыгы 2,9 млн кеше тавыш бирү хокукына ия, диде спикер.

Искәртеп үтик, Россия Конституциясенә төзәтмәләр кертү буенча ил күләмендә тавыш бирү 25 июньнән 1 июльгә кадәр уза. 

Чыганак: https://tatar-inform.tatar/news/politics/29-06-2020/tatarstanda-saylauchylarny-50-protsenty-konstitutsiyag-t-z-tm-l-r-buencha-tavysh-birg-n-5752939