Террорчыларны табуда ярдәм итүчегә 50 миллион доллар акча вәгъдә ителә

РФ Федераль куркынычсызлык хезмәте Россиянең "Когалымавиа" авиакомпаниясе самолетын шартлатуга катнашы булган террорчыларның кемлеген билгеләргә ярдәм итәчәк мәгълүмат өчен 50 млн. доллар күләмендә акча вәгъдә иткән.

"Федераль куркынычсызлык хезмәте, террорчыларның кемлеген билгеләүдә ярдәм сорап, Россия һәм халыкара җәмәгатьчелеккә мөрәҗәгать итә. Җинаятьчеләрне тоткарларга ярдәм итәчәк мәгълүматлар өчен 50 млн. доллар күләмендә акча түләнәчәк", - дип хәбәр иттеләр РФ Федераль куркынычсызлык хезмәтенең җәмәгать элемтәләре үзәгендә, дип яза "Татар-информ" агентлыгы "Интерфакс"ка сылтама белән.

Интертат.ру