Бурычлылар ныклы контрольдә

  Комиссиягә әҗәтләре 10 мең  сумнан арткан юридик һәм  фи­зик  затлар, үзмәшгульләр  тер­кәлгән авыл  җирлекләре башлыклары  да  чакырылган  иде.

«Прокуратурага ча­кы­ру­лар­­ның нәтиҗәсе бар, гадәттә, әҗәт­­леләр, чакыру алуга ук салым буенча әҗәтләрен каплый. Чара үтемле булса да, тиешле түләүләрне үзвакытында башкару мөһим. Көн тәртибендә каралган мәсьәләләргә җитәкчеләр, эш­мәкәрләр җаваплы карасыннар һәм үзара аңлашу булсын иде" –  диде район прокуроры Раил Шәй­мәрданов.

Районара салым инспекциясе  начальнигы  урынбасары  Энҗе  Хужина чыгышында әй­телгәнчә, күрелгән  чаралар нә­тиҗәсендә барлыгы 14338 мең бурыч түләттерелгән. “Трейд металл”, “Свар тэк”, “Евроакцент” җәмгыятьләре әҗәтләрен тулысынча каплаганнар. Утырыш барышында да шактый зур  суммаларда бурычлары белән исәп-хисап  ясаучы юридик һәм  физик затлар  булды.   “Оском”, “Арленспецтехстрой” җәмгыятьләре  вә­килләре акча кереме алынганнан  соң, салымны  түләп бетерәчәкләренә  ышандырдылар. “Гимадиев” крестьян-фермер хуҗалыгы вәкиле эшчәнлеген туктатса да, бурычы калганлыгын белмәгәнлеген  аңлатты һәм моның  өчен бер атна  вакыт  сорады. Түли алмау  сәбәпле бөлгенлеккә төшүе  турында гариза бирергә җыенучыга хокуклары аңлатылды.

Утырышка чакырылган авыл  җирлекләре башлыклары сүз­лә­реннән күренгәнчә, са­лым бу­рычлары булган граждан­нар­га хәбәр  җибәрелгән.  Шу­лай  да кайберләренең район тер­ри­ториясеннән  киткәнлектән, хә­зерге  яшәү адреслары табылмаган.

Эшче  төркем бурычларга карата прокуратураның нәтиҗәле   йогынты чаралары күрүне,  җир­ле үзидарә органнары җи­тәк­челәренә халык  арасында нә­тиҗәле  аңлату  чаралары   алып баруны  көчәйтү  турында  ка­рар  кабул итте. 

Энҗе Фәйзетдинова,

район прокуроры  ярдәмчесе.