Явлаштау авылында яшәүче Шәмсия Сәйфуллинаны 95 яшьлек юбилее белән котладылар

 Шәмсия Ярмөхәммәт кызы Явлаштау авылында дөньяга килгән. Яшь чагында Казанда тегү фабрикасында, кияүгә чыгып авылга кайткач, төрле эшләрдә хезмәт куйган.  Хуҗалыкта гомер буе механизатор булып хезмәт куйган ире Сәетгәрәй Сәйфулла улы белән 5 бала тәрбияләп үстергәннәр. Хәзерге вакытта аларның берсе генә исән-сау, 4 балалары вафат. Сәетгәрәй абый да 1994 елда вафат булган. 

 Шәмсия Ярмөхәммәт кызы тыл һәм хезмәт ветераны. «1941-1945 елларда Бөек Ватан сугышында Җиңүнең 40,50,55,65,70,80 еллыгы» юбилей медальләре, «Ана Даны» ордены белән бүләкләнгән. Ул бүгенге көндә килене Равилә тәрбиясендә бәхетле картлык кичерә, аның 13 огыны, 24 оныкчыгы бар.