Мирасы туган ягына кайтты

Фәнил Мәүлетов, 4 декабрь 2019 - 10:28

1262

Якташыбыз танылган халык рәссаме Тавил Хаҗиәхмәтов исеме күпләргә яхшы таныш. Аңа шушы һөнәрне сайларга әтисенең көмешче булуы, туган ягы – Йосыф-Алан авылының матур табигате дә йогынты ясый.

Тавил Гыйният улы үзеннән бай иҗат үрнәкләре калдырды. Узган атнада Сабаның балалар иҗат үзәгендә узган “Бүләк итү көне” хәйрия чарасында моның, чыннан да, шулай икәнлеге ачык күренде. Татарстан Республика Дәүләт флагы көненә туры китереп талантлы рәссам-дизайнер Нияз Хаҗиәхмәтов әтисенең студент елларында (1958-1964) ясаган рәсемнәреннән тупланган өч альбомны, автопортретын һәм башка иҗат җимешләрен район музеена тапшырды. Чарада шулай ук Тавилнең энесе Фәритнең тормышы иптәше Валентина Хаҗиәхмәтова, Татарстан Дәүләт Советы депутаты Марат Галиев, Саба районы башлыгы урынбасары Расих Закирҗанов катнашты...