Ел саен язгы кыр эшләре тәмамланганнан соң игеннәрнең торышы, технология, агрохимия таләпләренең үтәлеше тикшерелә, йомгак ясала.
Район авыл хуҗалыгы һәм азык-төлек идарәсе, «Россельхозцентр» ФГПУ филиалының район бүлеге белгечләре составындагы махсус комиссия, авыл хуҗалыгы предприятиеләре, бүлекчә җитәкчеләре, хуҗалык агрономнары катнашында чәчү мәйданнарын карап чыкты. Чәчүлекләргә бәя бирүгә бик җитди каралды: биредә үсемлекләрнең тыгызлыгы, тигез чәчелеше, агротехник кагыйдәләрнең төгәл сакланышы, корткыч бөҗәкләргә, авыруларга каршы көрәш чаралары җентекләп тикшерелде. Кабул итү барышында чәчү культурасына: басуларның чисталыгы, чүп үләннәрдән чистарту, күрсәткеч такталарның куелуына аерым игътибар бирелде. 
Нет комментариев