Саба джипон элемтәгә күчә
Яңа технологияләргә нигезләнгән пилот проектларын тормышка ашыру территориясенә әйләнгән районыбызда тагын бер программага старт бирелде. Инде эш башланды да. Аның нинди проект икәнлеген Сабада яшәүчеләр үз күзләре белән күрә. Кайберәүләр махсус эш киемнәренә “Связь” дип язылган кешеләрнең багана башларына нинди тартмачыклар урнаштырулары белән яннарына килеп тә кызыксына. Әлеге сорауга ачыклык кертү йөзеннән Саба электр элемтәсе узелы начальнигы Алмаз Галиевка мөрәҗәгать иттек.
– “Җирле линияләрне модернизацияләү” дип аталган пилот проекты республиканың авыл районнары арасында, чыннан да, Сабада башланды. Без Сабада, Шәмәрдәндә һәм Лесхозда бакыр элемтә чыбыкларын GPON технологиясе буенча оптик җепселле кабельгә алыштыруны быел ук төгәлләргә тиеш. Шул максаттан элемтәчеләр Сабада багана башларына оптик бүлгеч шкафлары урнаштыра. Алардан 4-8 абонентка изернет сигналлар җибәреп булачак. Нәтиҗәдә Таттелеком хезмәтеннән файдаланучылар кабельле телевидение каналларын да (160ка якын) карый алачак һәм интернетның тизлеге 500 Мбит секундка кадәр артачак. Бу, әйтик, 7 гегабайтлы видеоны компьютерга күчерү өчен 5 минут вакыт җитәчәк дигән сүз. Хәзер бакыр чыбык аша бер генә телевизорны модемга тоташтырып булса, йортта ничә телевизор бар барысыннан да кабельле яисә IP телевидение карау мөмкинлеге туа. Димәк, IP телевидение дә беркая да китми, абонент цифрлынымы яки кабельленеме (яки икесен дә) – кайсын карыйсы килә, үзе сайлый. GPON технологиясенә күчү өчен йортларга махсус терминал һәм аның янына вай-фай модуле бушка куелачак. Иң мөһиме, абонент түләүләре шактыйга кимиячәк.
– Алмаз Тәбрисович, яңа технологиягә кешеләр үзләре теләп күчәчәкме?
– Прогресс бер урында тормый. Моны заман таләп итә. Иртәме-соңмы бакыр чыбыклар буенча килүче элемәгә хезмәт күрсәтү туктатылачак.
Сабада 320 абонент GPON технологиясенә күчкән инде. Кулланучылар әлеге хезмәттән суперканәгатьлек белдерә.
Автор фотосы
Следите за самым важным и интересным в Telegram-каналеТатмедиа
Нет комментариев