Сишәмбе көнне районыбызга эшлекле визит белән Татарстан Республикасы Тарифлар буенча дәүләт комитеты җитәкчесенең беренче урынбасары Лариса Хәбибуллина килде

  Лариса Васильевна иң элек башкар­ма комитет җитәкчесе урынба­сары Марат  Баһманов  җи­тәк­челегендә районыбызның коммуналь инфраструктура объектлары–Шәмәрдәндә һәм Сабадагы су чистарту  корылмалары  һәм  көнкүреш калдыклары полигоны эшчәнлеге белән танышты.

“Без һәр айда торак-коммуналь хуҗалыгы  буенча кызыксындырган барлык сорауларны ачыклау өчен районнарга барып гражданнарны кабул итү үткәрәбез. Нинди мәсьәләгә игътибарны арттырырга,  нинди нәтиҗәләр ясарга икәнлеген ачыклыйбыз. Бу – безнең өчен бик мөһим. Шәмәрдәндәге  яңа су чистарту корылмасы  белән дә таныштык. Биредә  бөтен яңа технологияләр кулланыла. Якыннан бернинди начар исләр килми.  Экологик тикшерүләр үткәрелгән, бөтен параметрларга туры килә”, – диде Лариса Хәбибуллина. Шулай ук 1 июльдән коммуналь хезмәтләр өчен тарифлар артачагын да билгеләп үтте.