«Вятские выкрутасы» төбәкара фестиваль-конкурсында Шәмәрдән биючеләре лауреат булды

Шәмәрдән мәдәният йорты каршындагы «Акварель» халык бию төркеме «Горский» биюе белән «Халык биюе» номинациясендә чыгыш ясады. Әлеге чараның максаты: төрле милләтләрнең  биюе традицияләрен саклау, үстерү һәм аларга ярдәм итү, Вятские Поляны шәһәрендә һәм Киров өлкәсенең, Татарстан Республикасының, Удмуртиянең, Марий Иленең якын районнарында яшәүчеләрнең иҗади мөмкинлекләрен тормышка ашыру өчен бердәм мәдәни киңлек булдыру. Шулай ук балалар мастер-класста бик теләп катнаштылар. Конкурста катнашучылар II дәрәҗә лауреат дипломы, кубок һәм сертификат белән бүләкләнделәр.