Интервью рубрикасы буенча яңалыклар

01 октябрь 2018
ЯҢА МӘКТӘПТӘ СЫНАТМАС ӨЧЕН…

Яңа уку елы кайберәүләр өчен яңа мәктәпләрдә башланачак. Яңа мәктәп ул яңа бина гына түгел, ә икенче укытучылар, сыйныфташлар, дуслар. Мәктәп алыштырганда ничек югалып калмаска? Нинди кагыйдәләрне истә тотарга кирәк? Йолдызлардан сорыйк әле.
07 сентябрь 2018
Юбиляр Фәрид Мифтахов: Әтиләргә игътибар аз (ӘҢГӘМӘ)

«Әтиләргә игътибар аз. Ата кешенең дәрәҗәсен, авторитетын кайтарасым килә. Ул бит ризык табучы да, гаилә тоткасы да, өй төзүче дә… Әти кешегә элеккечә хөрмәт юк хәзер», — ди Фәрид Мифтахов.
05 сентябрь 2018
Мөнир Рахмаев эротик видеоның бәясен, тарихын, полициягә әйтү-әйтмәвен сөйли

Исегездә булса Мөнир Рахмаев белән бәйле шау-шулы эротик видео таралган иде. Ул аны мошенниклар ясавын, скандал видео өчен 10 мең сум таләп итүләрен әйткән иде. Мөнирнең әлеге вакыйга турында KAZANFIRST сайтында интервьюсы чыкты. Әлеге язмадан тәрҗемә тәкъдим итәбез.
02 сентябрь 2018
Белем көнен хәтерлисезме? (сораштыру)

Бүген мәктәпләрдә янә беренче кыңгырау чыңлый. Укучыларның кулларында – аллы-гөлле чәчәкләр, “җиләк-җимеш”тән ясалган гөлләмәләр. Өс-башлары ялт иткән, йөзләрендә – елмаю. Быел Татарстанда 50 мең сабый беренче тапкыр мәктәпкә бара. Республикада 7 яңа мәктәп ачылачак. Замана баласына тырышып уку өчен барлык мөмкинлекләр тудырылган. Сез Белем көнен хәтерлисезме? Укырга шартлар бар идеме?
31 август 2018
Өметегез акландымы? (сораштыру)

Владимир Путин бу арада халык теленнән төшмәгән мәсьәләгә ачыклык кертте. Россия Президенты, пенсия реформасына карата фикерен белдереп, үз тәкъдимнәрен җиткерде. Аларның тормышка ашасына шик юк. Ил башлыгы аеруча хатын-кызларның һәм лаеклы ялга чыгу яшенә җиткән кешеләрнең күңелен күрергә тырышты, үзгәрешсез яшәп булмаячагын әйтте. Путин сүзен ишеткәч, өметегез акландымы?
28 август 2018
Өмәгә еш чыгасызмы? (сораштыру)

Татарстан Экология һәм табигый ресурслар министрлыгы ярдәме белән Россия география җәмгыятенең 12 волонтеры Яңа Чишмә районында экологик сәяхәткә чыккан. Алар көймәләргә утырып өч көндә 45 чакрым араны узарга һәм яр буйларында тукталып, ял итүчеләрдән калган чүп-чарны җыештырырга ниятли. Ә сез өмәгә еш чыгасызмы?
27 август 2018
“Ул – мин эзләгән кеше”

Омскида десантчылар казармасы ишелеп, шул казада исән калган, аякларын югалтса да, үзен югалтмаган спортчы Рөстәм Нәбиев турында Дания Нәгыйм әнә шулай ди. Көчле рухлы кеше турында әдәби әсәр язарга хыялланган яшь язучы Рөстәмнең интернет сәхифәсенә юлыккач, эзләгән героен тапканлыгын аңлый һәм тиз арада хат язып сала. Җавап ул уйлаганнан да тизрәк килеп ирешә.
24 август 2018
Әле һаман нокта куелмаган (әңгәмә)

Яңа уку елы башланырга санаулы гына көннәр калды. Узган уку елы карагруһчыларның милли мәгариф кырында кылыч уйнатулары, мәктәпләргә зур басым ясалуы, татар теле укытучыларының кискен кыскартылуы, мәгариф турындагы федераль законга җитди үзгәрешләр кертелү белән истә калды. ”Алга таба безне ни көтә?” дигән сорау белән ТР Дәүләт Советының мәгариф, мәдәният, фән һәм милли мәсьәләләр комитеты рәисе Разил Вәлиевкә мөрәҗәгать иттек.
20 август 2018
“Үзгәрергә вакыт!”

“Болгар радиосы”ның “Иртәнге чәй” тапшыруы бер айлык ялдан соң кабат эфирга чыкты. Аның алып баручылары Илфак Хафизов, Рөстәм Гайзуллин һәм Индира нинди планнар белән эшкә керешкән? Бу хакта “Иртәнге чәй” тапшыруының продюсеры һәм алып баручысы Илфак Хафизов белән сөйләштек.
20 август 2018
Резедә Ганиуллина Болгарда клип төшергәннән соң булган иң куркынычын әйтә

Җырчы, биюче Резеда Ганиуллина Болгарда “Җаным” клибын төшереп шау-шу чыкканнан соң ике елга матбугатта күренмәде. Ул исә иҗат итүен, биюен дәвам иттерә, үзенең бию студиясен ачкан, яңа планнар белән янып йөри икән. Резедә Азатлыкка эксклюзив әңгәмә бирде.
19 август 2018
Чакырган җиргә кунакка йөрисезме?(сораштыру)

Владимир Путин бүген туйга барырга җыена. Алманиягә рәсми сәфәргә барышлый, Россия Президенты, Австриядә тукталып, бу илнең тышкы эшләр министры Карин Кнайсльнең туенда кунак булачак. Баксаң, ил башлыгын бу тантанага берничә ай элек үк чакырганнар икән. Путинның матбугат сәркатибе Дмитрий Песков әйтүенчә, Россия Президентының элегрәк тә чит илләрдә узган андый чараларда катнашканы булган. Ә сез чакырган бар җиргә дә кунакка йөрисезме?
17 август 2018
Аяксыз калу – дөнья бетү түгел (әңгәмә)

Рөстәм Нәбиев берничә ел эчендә танылган блогерга әйләнде. Аны хәтта үзебезнең Вуйчич дип тә йөртәләр. Хәрби хезмәт үткәндә казарма ишелеп, ике аягын югалткан, ләкин үзен югалтмаган егет бүген интернетта гына түгел, төрле шәһәрләрдә дә очрашулар үткәрә башлаган. “Үз мисалымда кешеләрне рухландыруыма ышангач керештем бу эшкә”, – ди ул.
17 август 2018
"Басылмый яткан Коръән тәрҗемәсенә тап булдык"

Казанда татар яшьләренә Коръәннең татарчага яңа тәрҗемәсе тәкъдим ителде. Әлеге китапны гади халыкка аңлашылырлык итеп, бүгенге татар теленә якынайтып чыгарырга булганнар, чөнки күпләр киң таралган Ногмани тәфсиренең теле авыр булуыннан зарлана.
17 август 2018
Сара Садыйкованың кызы Әлфия Айдарскаяның әнисе кабер ташын яңарту үтенечен түрәләр тыңламый. Җавап итеп хат язалар

Татарның мәшһүр композиторы Сара Садыйкованың кызы 93 яшьлек Әлфия Айдарская ел саен диярлек әнисенең җырларыннан һәм истәлекләрдән торган китап чыгара. Үзе исән чагында Сара ханымның кабер ташын яңарту турында уйлый. Әнисе истәлегенә куеласы һәйкәл, җыр фестивале, музейның булачагына ул инде өметен өзгән.
17 август 2018
Авылга нәрсә җитми?(сораштыру)

Авылны үстерү өчен аерым илкүләм проект кирәк. Россия Хөкүмәте вице-премьеры Алексей Гордеев Президент Владимир Путинга әнә шундый тәкъдим ясаган. Гордеев фикеренчә, авылда зур җитештерү, табигый һәм мәдәни мөмкинлекләр тупланган. Сала Россиянең территориаль бөтенлеген дә саклый икән. Вице-премьер яңа проект ярдәмендә авылдагы эшсезлек, халык саны кимү һәм торак фондының җитешсезлеге кебек проблемаларның хәл ителәсенә өметләнә. Сезнеңчә, авылга иң элек нәрсә җитми?

❮ Назад Далее ❯

Язылыгыз