Саба таңнары
  • Тат Рус Лат
  • Балалар бакчаларына – чаңгы

    Балалар бакчаларын чаңгылы итәчәкләр.

    Узган якшәмбедә район мәдәният йортында мәгариф учреждениеләре хезмәткәрләре белән очрашу вакытында Саба муниципаль районы башлыгы Р.Миңнеханов әнә шулай дип белдерде. "Балалар бакчаларында чаңгылар булдыру мәсьәләсен берсүзсез хәл итәргә кирәк. Уенчыклар мәсьәләсендә дә уйлап бетерербез",- диде Р.Миңнеханов очрашуда катнашучыларның соравына җавап биреп.

    Район башлыгы киләчәк буынны заманга лаеклы тәрбияләүнең мәгариф хезмәткәрләренә хәлиткеч дәрәҗәдә бәйле булуына басым ясап, соңгы елларда әлеге тармакны һәм, гомумән, халык хуҗалыгын үстерү юнәлешендә күрелгән чараларга киң тукталды, агымдагы елда социаль өлкәдә башкарылачак эшләр белән таныштырды. Очрашуда Саба гимназиясе укытучысы Г.Йосыпова, "Бәләкәч" балалар бакчасы тәрбиячесе Л.Заһидуллина сүз алып, социаль ипотека программасы кысаларында фатир алуда күрсәткән ярдәмнәре өчен район җитәкчеләренә рәхмәт җиткерделәр.

    Теги: sport
    Нравится
    Поделиться:
    Реклама
    Комментарии (0)
    Осталось символов: