Уңыш уңса, күңел куана

дигән сүзнең мәгънәсен тормышын иген-икмәк үстерүгә багышлаган җир белгечләре, иртә яздан кара көзгә кадәр басуда иген үстерүдә эшләгән игенче- механизаторлар яхшы аңлыйлар. Чөнки икмәк язмышы өчен зур тырышлык куела. Чагыштырып карау өчен узган елгы корылыкны гына искә төшерү дә җитә. Әмма Җир-Анабызның мәрхәмәте киң, Тукай бабабыз әйтмешли, быел яңгыр да кирәгенчә явып, җил дә вакытында исте. Былтыр азык кытлыгы кичергәннән соң, терлек азыгы мәйданнары киңәйтелде һәм һәр хуҗалыкта мул азык запасы тупланды. "Саба" җәмгыятенең "Мичән", "Кибәче", "Явлаштау", "Сатыш" филиалларында, "Туган як", "Урта Саба" җәмгыятьләрендә бер баш шартлы терлеккә 60-65 центнер азык берәмлеге, ягъни икееллык запас әзерләнде. (Язманың тулы вариантын "Саба таңнары" газетыннан укый аласыз).

Васил Кәбиров,

район авыл хуҗалыгы һәм азык-төлек идарәсенең игенчелек бүлеге киңәшчесе.