Куркытмыйча аңлатасы иде

Әйтик, 21 декабрьдә булачак ахырзаманга багышлап нинди генә тапшырулар әзерләмәделәр. Бер ялганчы галим планеталарның бер линиягә тезеләчәге турында үзенчә фәнни дәлилләп аңлатырга тырышты. Минемчә, халыкны тынычландырырга түгел, ә, киресенчә, шөбһәгә салырга тырыштылар. Куркытмыйча аңлатасы иде югыйсә. Нә­тиҗәдә күпме кеше нервысын какшатты, саулыгын бетерде, сырхауларның чире көчәйде, кирәкмәгән әйберләр алырга мәҗбүр итеп, дөнья бетәчәгенә ышанучыларның акчасын җилгә очырдылар. Менә 21 декабрь үтеп киткәч, телевидениедән бер галим планеталар берничек тә парадка тезелә алмый дип аңлатырга тырышып маташа. Мин моны халыкны мыскыл итү дип саныйм. Дөнья бетүнең уйлап чыгарылган әкият икәнен нигә алдан ук халыкка аңлатмаска! Мин кеше психикасына зыян сала торган телетапшыруларны да тыярга кирәк дип уйлыйм.

Хәлил Мортазин.