Бер көн эчендә Казанда юл-транспорт һәлакәтендә ике бала зыян күргән

Узган тәүлек эчендә республика башкаласында ике авария булган. Аларның икесендә дә балалар зыян күргән.

Беренче юл-транспорт һәлакәте иртән Әхтәмов урамында булды. «Лада Ларгус» шоферы Renault автомобиле белән бәрелешә. Авариядә чит ил машинасының 11 яшьлек пассажиры зыян күрә.

Икенче авария кичке җидедә була.

«Җиңү проспекты буенча 93 номерлы йорт каршында Volkswagen машина йөртүчесе KIA автомобиле белән бәрелешкән. Юл-транспорт һәлакәтендә KIA автомобилендә булган 4 яшьлек пассажир зыян күргән», — дип хәбәр итте Россия Эчке эшләр министрлыгының Казан буенча ЮХИДИ бүлеге өлкән инспекторы Эльмира Әхмәтшина.

Фото: Госавтоинспекция Казани

Чыганак: tatar-inform.tatar