Хәвеф-хәтәр
Татарстанда юл һәлакәтендә бер кеше үлгән, ике олы кеше һәм бер бала имгәнгән
Татарстанның Яңа Чишмә районында кичә 16.30 сәгать тирәсендә юл-транспорт һәлакәте булган.
«Татар-информ»га юл-транспорт һәлакәте шаһитлары сөйләгәнчә, юлда Ford һәм Renault автомобильләре кара-каршы бәрелешкән. Каты бәрелешүдән соң, беренче автомобиль юл кырыена төшеп киткән, икенчесе юлда аркылы борылган.
«Ford йөртүчесе имгәнүләрдән һәлакәт урынында ук үлгән. Моннан тыш, өч зыян күрүче — ике хатын-кызны һәм бер яшүсмер кыз баланы хастаханәгә алып киткәннәр», - диде һәлакәт шаһитлары.
Следите за самым важным и интересным в Telegram-каналеТатмедиа
Нет комментариев