Бастрыкин Казанда фатирыннан колак каккан алданган пенсионер эшен контрольгә алды

Тикшерүчеләр ачыклаганча, хатын-кызга билгесез кешеләр шалтыратып, үзләрен хокук саклау органнары хезмәткәрләре дип таныштырган. Аферистлар аны төп башына утырткан, нәтиҗәдә ул күрсәтелгән счетка акча күчереп кенә калмаган, ә фатирыннан да колак каккан.

Хәзерге вакытта хокук сакчылары әлеге факт буенча җинаять эше кузгаткан.

«Ведомство башлыгы ТР буенча Тикшерү идарәсе җитәкчесе Валерий Липскийга җинаять эше материалларын Россия Тикшерү комитеты органнарына тапшырырга һәм әлеге вазгыять турында доклад ясарга кушты», - дип хәбәр итте Россия Тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий.

Бу хакта тулырак: https://tatar-inform.tatar/news/bastrykin-kazanda-fatirynnan-kolak-kakkan-aldangan-pensioner-esen-kontrolga-aldy-5872359

фото ru.freepik.com