Дәүләт порталында – “Подписка” сервисы

Хөрмәтле укучыларыбыз! Сез 1 апрельдән 2015 елның икенче яртыеллыгына вакытлы матбугатка, шул исәптән "Саба таңнары"на да, почта бүлекчәләрендә генә түгел, ә Татарстан дәүләт хезмәтләре порталында (uslugi.tatarstan.ru) "Подписка" интернет-сервисы аша да языла аласыз. Порталдан файдаланучылар федераль, республика һәм район басмаларына язылу абонементларын тутыра һәм түли алалар. Язылу процедурасы бик гади һәм һәр адымны өйрәтүче аңлатма бирелеп баруы белән уңайлы. Язылу өчен түләүне дә дәүләт хезмәтләре порталында - банк картасы аша башкарырга мөмкин. Шулай итеп, газета-журналларга язылырга теләүчеләр үзләренә уңайлы вакытта өйдә яки эштә компьютер артында утырып кына язылу абонементын тутыра һәм абунә өчен түли алалар.