Сабада роллерлы чаңгыда узыштылар

2003 елгылар һәм алардан яшьрәкләр арасында беренчелекне кызлардан Сабина Хәбирова, малайлар арасында Салават Хәсәншин (Саба), 2002 елгылар һәм өлкәнрәкләр (18 яшькә кадәр) төркемендә Снежана Судакова һәм Рамил Шакиров (икесе дә Шәмәрдән) алды. Язилә Галләметдинова (Шәмәрдән) - 18-30, Руслан Миңнегулов - 18-35, Олеся Хәбирова - 31 яшьтән өлкәнрәкләр, Ильяс Шиабетдинов (Саба) - 36-40, Илгизәр Сазгетдинов (Казан) 51 яшьәтән өлкәнрәкләр арасында җиңүче булдылар.

Катнаш эстафетаны Сабина Хәбирова, Диләрә Нуриева, Айзат Фәйзерахманов составындагы "Саба-3", олылар арасында Язилә Галләметдинова, Әмин Миңнегулов, Рамил Хуҗин составындагы "Саба-8" командасы отты.