Шәхси хуҗалыкларга сөтчелек мини-фермалары өчен субсидия бирәләр

Татарстан Авыл хуҗалыгы һәм азык-төлек министрлыгы шәхси ярдәмче хуҗалыклар алып баручы гражданнардан чыгымнар өлешен каплауга гаризалар кабул итүне игълан итә. Бу турыда министрлык сайтында язылган.

Гаризаларны 4 декабрьдән 21 декабрьгә бирергә кирәк.

Субсидия шәхси ярдәмче хуҗалык алып баручы гражданнарга сөтчелек юнәлешендә мини-фермалар өчен тотылган чыгымнар өлешен каплауга бирелә.

8 һәм аннан күбрәк сыер өчен сөт фермасы төзүгә - 600 мең сум, 5 һәм аннан күбрәк сыер өчен сөт фермасы төзүгә 300 мең сум исәбеннән акча бирелә.

Документлар «Мои субсидии» системасы аша электрон рәвештә кабул ителә, диелә хәбәрдә.

Тулырак: https://tatar-inform.tatar/news/saxsi-xualyklarga-sotcelek-mini-fermalary-ocen-subsidiya-biralar-5879945

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен